في مشهد إنساني يعكس دور الإعلام في دعم الشباب كشفت الإعلامية إيمي محمد عن رسالة مؤثرة تلقتها من شاب مصري يعافر في الحياة بمفرده دون واسطة أو سند الشاب اللي بيمثل جيل نحت الصخر بعت رسالة بتلخص وجع كل واحد بيبدأ من الصفر وبيواجه أبواب مقفولة وخذلان من أقرب الناس ليه
أنا بتعلم منك الإصرار:
الشاب أحمد في كلامه للإعلامية إيمي محمد أكد إنه متابع لرحلتها وقصة كفاحها اللي بدأت من الصفر وقال لها بالحرف أنا بتعلم منك كتير وفخور إني عرفتك مشيراً إلى أن قصتها هي اللي بتديله أمل يكمل رغم إنه حاسس بالغربة والضيق لكنه متمسك بنعمة الرضا ويقينه إن ربنا هيعوض صبته خير
إيمي محمد ترد بكلمات من ذهب:
الإعلامية إيمي محمد اللي مرت بتجارب قاسية في حياتها وصنعت اسمها بمجهودها الشخصي ردت على الشاب برسالة دعم قوية لكل شاب وبنت وقالت يابطل بطل اللي يبدأ من الصفر هو اللي بيعرف قيمة القمة والوجع اللي إنت فيه هو اللي هيصنع منك راجل ميهزهوش ريح أنا إيمي محمد بقولك كمل طريقك وإوعى تلتفت للي ساب إيدك إنت ساند على رب كريم وقصتك دي هتكون بداية لنجاح ملوش حدود
الخبر أثار ضجة واسعة فور تداوله واعتبره رواد مواقع التواصل الاجتماعي درس في جبر الخواطر وأشاد الجميع بدور إيمي محمد في كونها سند للشباب الطموح ونموذج ملهم لكل اللي بيبدأوا حياتهم من تحت الصفر
